Hung…. Ahung
Run tumurun bayu rahayu
Bayu pangancikan hurip
Bayu pangayoman sukma
Bayu mawat kamulyaan
Turun ka bumi ping pitu
Ti mandala mula jadi
Jadi hurip pakumpulan
Di mandala panta-panta
Ngawaruga Jagat Sanga
Gumulung sabudeur awun
Gumati sabumi manik
Mawa uga na waruga
Sir indung Sanghiang peuting
Sir bapa sanghiang beurang
Rasa siji rasa kalih
Rasa katon ing andika
Catetan:
Dina Upacara Seren Taun di Cigugur, babarit ieu biasana dikidungkeun saparantosna para tamu lebet ka pendopo (saparantos prosesi ngajayak), sateuacanna doa anu diunjukkeun ku para rohaniwan. Dina runtuyan acara Seren Taun 1940 S kamari, babrit ieu dikidungkeun minangka pamirig Pesta Dadung. Bilih para wargi bade mesek hartos/maknana, sumangga dihaturanan…
